Станіслаў Вайцяхоўскі пераехаў зь Вялікапольшчы ў Віцебскае ваяв., дзе купіў маёнткі Казанова, Мялеціна, Калечына, Маркаўшчыну і Палогі. Меў 6 сыноў: Васіля, Стэфана, Аляксандра, Юзафа, Рыгора і Яна, якія ў 1605 падзялілі спадчыну бацькі.
Нашчадкі Стэфана і Рыгора засталіся на Віцебшчыне. У Васіля былі сыны Пётар і Цімафей, у Пятра — Тэафіль і Даніэль. Некаторыя сыны Даніэля пераехалі ў пач. 19 ст. у Наваградзкі пав. У валоданьні прадстаўнікоў роду знаходзіўся фальв. Мяховічы.
Нашчадкі Аляксандра пераехалі ў пач. 19 ст. у Наваградзкі пав.
Вывад: 1773.02.09 (Віцебскі пав. з. с.), 1819.10.06 (Горадзенскі ДДС).