Белавінскі, Булавінскі / Bielavinski, Bulavinski / Beławiński, Buławiński / Белавинский, Беловинский, Булавинский

[Марыя]

Па аповядах, нейкі мой продак Булавінскі (Белавінскі) у ХІХ ст.  прыбыў з Заходняй Беларусі (сваякі яшчэ кажуць з Польшчы) на тэрыторыю Магілёўскай губерні.  Верагодна,  гэта быў Дзяменцій Булавінскі, якога таксама называюць сваякі Дамінікам Белавінскім (у вёсцы клікалі Домкай).  У 1879 г. Дзяменцій ажаніўся на Агаф’е Грамыка з ваколіцы Новыя Грамыкі (у ХІХ ст. Рагачоўскі павет, Магілёўская губерня). Іх першы сын Афанасій ажаніўся на Паліне Крупскай (з ваколіцы Хізы), дачка Ганна выйшла замуж за Грыгорыя Шаціла. Другі іх сын Пётр – мой прадзед, ажаніўся на Марыі Міхайлаўне Грамыка. Па сямейнай легендзе, першапачаткова прозвішча гучала як Белавінскія (Булавінскія – памылка пісара). Кажуць, што прапрадзед спрабаваў аднавіць шляхецтва на прозвішча Белавінскі.   

[Ўладзіслаў Вяроўкін-Шэлюта]

Пра прыезды — гэта глупства.

Белавінскія жылі ў Рагачоўскім пав., рабілі вывад у Магілёўскім ДДС 1808.02.29 з гэрбам "Тшаска".

У 1864 у казках аднадворцаў і даказваючых дваранства па Рагачоўскаму пав., жылі ў аколіцы Новыя Грамыкі. НГА Беларусі. Ф. 2151, воп. 1, спр. 171, арк. 37-38. (Гэта адзіная кніга шляхецкіх рэвіскіх казак па Рагачоўскаму пав.)

* * *

Пелагія Іванаўна Крупская гэрбу "Крупскі"
* … 1894.10.13, † ……
   Перад шлюбам жыла ў ак. Хізы, мяшчанка.
х Грамыкі, ц. 1914.01.19  Афанасі Булавінскі гэрбу "Тшаска", * … 1887.01.17, † ……, с. Дзяменція Б. і …….
   Перад шлюбам жыў у с. Грамыкі, мешчанін.

НГА Беларусі. Ф. 2960, воп. 1, спр. 6, арк. 168-168адв.

[Марыя]

Дзякуй за дапамогу.

[Марыя]

Ўладзіслаў! А можаце напісаць, адкуль наступная інфармацыя: "Белавінскія ... рабілі вывад у Магілёўскім ДДС 1808.02.29 з гэрбам "Тшаска". Шукала ў НГАБ, але не знайшла.

[Ўладзіслаў Вяроўкін-Шэлюта]

Ўладзіслаў! А можаце напісаць, адкуль наступная інфармацыя: "Белавінскія ... рабілі вывад у Магілёўскім ДДС 1808.02.29 з гэрбам "Тшаска". Шукала ў НГАБ, але не знайшла.

З маіх рэестраў. Вываду ў архіве не захавалася. Тэарэтычна, можа быць родавая справа ў Фондзе Гэрольдыі ў РГИА (Санкт-Пецярбург).