Плявака / Pliavaka / Plewako / Плевако

[Жидович Валерий]

Есть ли информация о Плевако, и было ли родовое имение или деревня Плеваки, имеет ли оно отношение к роду?

Плеваки находилось вблизи Кайданово.

[Ўладзіслаў Вяроўкін-Шэлюта]

Сайт "Таварыства роду Плявак": http://plewako.pl/

[Калечыц]

Продак роду, Павел Плявака, узгаданы ў рэестры падымнага 1667 г., плаціў падымнае з вячыстага маёнтку Асавец і з застаўнага маёнтку Гранічы. У вывадавай справе ўзгаданы ў койданаўскім тракце, у іменні і двары Юркоўшчына (згадваецца ў мк касцёлу, відавочна, зямля, частка нейкага засценка. Яго кроўныя трымалі Асавец з 1653 г. Да 1648 г. і ў наступных інвентарах, 1668 і пазней, трымаў зямлю пад Ельняй над Усой на Карэмдзянцы, разам з Сухадольцам (Сухадольскім), Пуцятай, Калечыцкім (Калечыцам), Навіцкім,  Паўловічам і Лабкоўскім. Койданаўская галіна роду жыла там яшчэ ў 1-й пал. 18 ст., зямля тады стала называцца Канавалавічы, таксама Плявакі.

[Калечыц]

Заўважыў нестыкоўкі ў звестках з вываду роду Плявака і іншых дакументах. Мае назіранні:

У вывадзе падаецца выпіс з Менскага гродскага суда аб продажы ў 1606 г. Плявакамі Есьманам маёнтку Малыя Крывічы.

1.  З актавых кніг вядома, што ў 1582 г. Малымі Крывічамі (часткай) валодаў Ежы Прысецкі. Ф.1926-5-1, арк.15

2. Часткай Малых Крывічоў валодалі Кішкі, ад якіх каля 1600 г. іменне перайшло да Буйвідаў.

3. Продак роду Павел Плявака трымаў землі каля Койданава ў Ельні (гл. вышэй) у 17 ст., а таксама двор Юркоўшчына ў тракце Койданаўскім.

4. У інвентарах Койданава 1588 г. у вёску Петрашэвічы запісаны на цяглых валоках сяляне Міхал і Іван Плевачэвічы, у 1620 г. у Петрашэвічах Сава Плевачыч, у 1648 г. людзей з падобным прозвішчам там ужо няма.

Вось і пытанне: ці не маюць Плявакі мясцовае паходжанне, ад сялян кан.16-пач.17 ст. з-пад Койданава...

[Калечыц]

Яшчэ дапаўненне наконт Малых Крывічоў, якімі быццам бы ў 16 ст. (памеркаваннях польскіх калегаў і раней за 1528 г.) валодалі Плявакі:

У сяр. XVI ст. (1550-я гг.) уладарамі былі таксама Кішкі, якія перадалі маёнтак у заставу некалькім прадстаўнікам роду Сасінаў-Калечыцкіх (Літоўская Метрыка)

[Калечыц]

НГАБ ф.694-4-1690

Дакументы якія адносяцца да Койданаўшчыны.

Сустрэўся запіс "...Плявакі зямяніна сваяго..."/ Plewaki ziemianina swojego (кн. Радзівілаў), 1651 г.

[Калечыц]

LVIA F.459-2-1463

Плявакі з фальварку Порплішча шукалі вольнасць у Радзівілаўскай камісіі. У 1836 г. прызнана бяздоказным. Сцьвярджалі, што былі ў графстве Глыбоцкім шляхтай, або зямянамі і выконвалі вайсковую службу на карысць Радзівілаў, у 1812 г. дакументы быццам бы знішчаны. У інвентарах 1761, 1778, 1783 паказаныя з прозвішчам Плюхаўка ці Пліхаўка.