Прушаноўскі / Prušanowski / Pruszanowski / Прушановский

[hacak maksim]

Добры дзень! Ці ёсць у каго звесткі пра ранняе паходжанне роду Прушаноўскіх гербу Прус, што жылі на тэрыторыі Рэчыцкага павету ВКЛ. У прыватнасці, цікавіць паходжанне галіны, што валодала маёнткам Рыння пад Бабруйскам пасля езуітаў. Цікавіць: з якога рэгіёну паходзілі, калі з'явіліся ў ВКЛ і ад якога роду аддзяліліся, у выпадку калі аддзяліліся.

[hacak maksim]

Пакуль самае ранняе, што знайшоў - удзел Прушаноўскіх з Рэчыцкага павету ў абранні Яна Казіміра ў 1648 годзе. Але ці вядома, што раней пра іх?

[Ўладзіслаў Вяроўкін-Шэлюта]

Быццам у 1562 атрымалі Казловічы.

У 1648 Януш-Юстыніян П. (з 1649 скарбнік Рэчыцкі) атрымаў Дзяніскавічы і Казловічы.

Калі прынцыпова важна даведацца, калі сталі валодаць тымі Казловічамі, трэба паглядзець у Літоўскай Мэтрыцы, у 1560-х шмат раздавалі пустых земляў, але могуць быць бяз прозьвішча, зь дзедзіцтвам.

Радавод іх пачынаецца ад бацькі Юстыніяна — Мацея, названы таксама скарбнікам Рэчыцкім, але наўрацьці ім быў. Дакумэнт 1562 проста згадваецца, бяз сувязі з радаводам.

У 1765 валодалі: Казловічы (ленна-спадчыннае), Карнасоўшчына (лен.-сп.), Высокае (лен.-сп.), Дзеніскавічы (лен.-сп.), Лукі (пар. Бабруйск), Любань (пар. Прапойск).

Прушаноўскія ў пач. 19 ст. лічылі сябе нашчадкамі прускіх князёў. Скарыстоўвалі ўласны гэрб: на срэбным шчыце з залатымі лапамі, кіпцямі, дзюбаю і вачыма, і чырвоным языком, чорны арол, на ягоных грудзях чырвоны шчыток з палутарным залатым крыжам; у шляхецкай кароне кляйнот — выходзіць у срэбных латах рука, сьціскае ў далоні з залатою гардаю срэбную шаблю.

[hacak maksim]

Дзякуй вялікі!

[Васіль Манкевіч]

З кнігі "Список Землевладельцев Минской Губернии за 1876 год" ст 128: