Дзюбалтоўскі, Дзебалтоўскі / Dziubaltowski, Dziebaltowski / Dziubałtowski, Dziebałtowski / Дзюбалтовский, Дзеболтовский, Дюбалтовский, Дюболтовский, Дзебалтовский, Дзеболтовский, Дебалтовский, Деболтовский

[Калечыц]

У Вількомірскім і Ашмянскім паветах вядомыя Гінтаўты-Дзевалтоўскія гербу Трубы, па паданні паходзячыя ад Осцікавічаў. З іх Міхаіл Казімір Войцахавіч Гінтаўт-Дзевалтоўскі, падчашы Ашмянскі (1659), падстолі Менскі з 1670 г. Па Мінскай губерні Гінтаўты-Дзевалтоўскія выводзіліся з Докшыцкага і Вілейскага паветаў.

=================================

Прозвішча пад Койданава ў Менскім павеце:

Жыхары з прозвішчам Дзюбалтоўскі, Дзебалтоўскі, Дзевалтоўскі.

У метрычных кнігах Койданаўскага касцёла 1830-40-я гг:
Аднадворцы Дзебалтоўскія з Волкі, аднадворцы Дзевалтоўскія з Лядзі.

Койданаўскія мяшчане Дзебалтоўскія ў 18-19 ст.

З інвентароў Койданаўскага графства:

У 1670-я гг. Гараднічы койданаўскі пан Ежы Дзюбалтоўскі (+ да 1675). Трымаў зямлю ў Койданаве і Загараддзе. У гэтыя гады на Ганне Дзюбалтоўскай быў жанаты зямянін Ян Бабкоўскі.

З актаў Слуцкага замкавага суду:

1686 г. У дрэнна захаваўшымся дакуменце згадваецца вечысты запіс на Есіпоўшчыну ад пана Крыштафа Паўлавіча Дзюбалтоўскага.

Акрамя Койданаўшчыны прозвішча Дзю(е)балтоўскі нідзе не сустрэлася. Невядома, ці гэта асобны род, ці гэта форма прозвішча неякіх Дзевалтоўскіх.

[Элла]

В Актовых книгах главного Литовского трибунала , начало 17 века, мне встречался Андрей Девялтовский.   

[Ўладзіслаў Вяроўкін-Шэлюта]

Пра Дзевалтоўскіх трэба заводзіць асобную тэму.

[Калечыц]

З кніг Слуцкага замкавага суда:

Консенс калішскага падчашага
Станіслава Незабытоўскага прасвітару
царквы Святога Мікалая Еўфеміяну
Пятроўскаму на продаж каменданту
Слуцкай фартэцыі маѐру Маўрыцыю
Вільгельму дэ Ашарду двара
Есіпаўшчына і карыстанне ім на тых жа
ўмовах, як яго колішні ўладальнік
Крыштоф Паўловіч Дзюбалтоўскі, 1686 г.

Зрачоны ліст паноў Крыштофа і Ганны
Паўловічаў /Дзюбалтоўскіх/ на дом і пляц на вуліцы
Крапіўніцкая ў месцы Слуцк на карысць
скарбу брандэнбургскай княжны, 1687 г.

З кніг Слуцкага замкавага суда бачна, што родавае прозвішча Дзюбалтоўскіх- Паўловічы. Паўловічы сустракаюцца сярод мяшчан і купцоў г. Слуцка.