Ісаевічы герба "Глебка". Жылі ў Наваградскім павеце. Артыкул аб родзе ёсць у Гербоўніку беларускай шляхты, том 7, с. 626-636. Радніліся ў ВКЛ з Багуфаламі, Пінчукевічамі, Данілевічамі, Малахоўскімі, Багдановічамі і інш.
Заможныя прадстаўнікі роду:
Фларыян *1724, скарбнік навагрудскі, валодаў зямлёй у Буйвідаўшчыне і Бухаўшчыне з 28 падданнымі, пахаваны на Ўселюбскіх могілках.
Караль, *1775-6, віцэ-старшыня Навагрудскага гродскага суда да 1832 г., валодаў маёнткам Руткавічы Навагрудскага павета з 46 падданнымі, 1832 г.
Некаторыя дакументы Ісаевічаў сярод наданняў зямянам Ўселюба і Далятыч з AGAD:
21.01.1566 г. Ліст Станіслава Станіслававіча Давойны Багдану і Івану Ісаевічам падцьвярджаецца права на фальварк Масцішча ў тракце Ўселюбскім (з усімі людзьмі аседлымі);
09.05.1565 г. Ліст п. Давойны баярам уселюбскім Багдану, Андрэю і Івану Ісаевічам на службе земскай вайсковай;
10.02.1580 г. Ліст князя Крыштафа Радзівіла, кашталяна Троцкага, на адмену грунта за Масцішча зямянам уселюбскім Багдану Ісаевічу і сыну яго Ждану, павінны служыць "конна і збройна".
10.05.1598 г. Ліст Крыштафа Радзівіла, ваяводы Віленскага, Багдану Ісаевічу на адмену яго грунтоў ад фальварка Вераскоўскага валок 3;
Ліст слугі Крыштафа Радзівіла, Рыгора Пашынскага, зямянам уселюбскім Ждану і Пятру Ісаевічам пры сяле Шкелічах пана Неміровіча 3 валокі, таксама сянажаці Вераскоўскія ўрочышчы Ваньковае, Чэрнічы, Ляхаўкі, поўбрэгскія і рахавецкія сенажаці, на службе коннай "згодна звычаяў даўняга".
Продкам у вывадзе паказаны Ісай Іванавіч, служэбнік Неміровічаў, атрымаў маёнтак Масцішча. Адзін з яго сыноў, Багдан, быў служэбнікам ваяводы полацкага Станіслава Давойны і трапіў з ім у Маскоўскі палон. Другі сын, Іван, з'ехаў у Полацк.
Не выключана, што Ісаевічы-галіна роду Князевічаў. У 1557 г. у Метрыке Літоўскай прыгадваюцца баяры-шляхта маёнтка Вераскава паноў Неміровічаў Іван і Ісай Князевічы. У далейшым у правах дадзеных ад Радзівілаў, узгадваецца і адмена грунтаў вераскоўскіх Ісаевічаў.
Language:
