Енцылевіч, Енцалевіч / Jencylievič, Jencalievič / Jencylewicz, Jencalewicz, Jencelewicz / Енцилевич, Енцылевич, Енцалевич, Енцелевич

[Калечыц]

Енцалевічы герба "Нечуя". Прызнаныя ў дваранстве 13.05.1827 г., Гарадзенскім ДДС.

Пратапласта Ян-Крыштаф Енцалевіч, Возны Наваградзкага ваяводства. У інвентары Далятыч 1652 г. паказаны як генерал (Возны) сярод зямян на "вальнасцях". Трымаў Яўневічы з падданнымі, як пазначана ў інвентары, пакуль служыць у справах князя /Багуслава Радзівіла/. Таксама трымаў застаўны маёнтак Енцалевічы-Шніпкі ў Гарадзенскім павеце. У 1666 г. даў ліст на Енцалевічы-Шніпкі і Яўневічы сынам Пятру і Казіміру і сястры Гальшцы якая была замужам за Ярашам Беняшэвічам (Калечыцам), актыкавана ў Наваградзкім гродскім судзе.

Унук Яна, Аляксандр, таксама Возны Наваградзкі. Прывілей Аўгуста ІІ ад 11.08.1720 г. актыкаваны 20.08.1721 г. у Наваградзкім гродскім судзе. Сыны Аляксандра хрышчаны ў Уселюбскім касцёле. У 1795 г. запісаны ў прыгонныя сяляне, былі прызнаны вольнымі людзьмі пастановай Радзівілаўскай камісіі ў 1825 г. У 1811 і 1826 жылі ў засценку Калітычы (былых Калечыцах) і ў Яўневічах.

Бралі шлюбы з Міхневічамі, Калясінскімі (раней Буднымі), Беняшэвічамі (раней Калечыцамі), Бучынскімі, Абрыцкімі.

[Калечыц]

Штам-ліст двух эскадронаў гусарыі князя Міхала Казіміра Радзівіла, 1760 г.

Гусар Юзаф Енцалевіч, з Негневіч, уніат, кандыцыі (паходжання) простай.