Вам, шаноўная Эла, таксама дзякуй. На самой справе я проста імкнуся хоць часткова ўнесці ўклад у даследванне генеалогіі шляхты ВКЛ, ну і прывесці ў парадак свае запісы за столькі гадоў таксама
Значна меншы ўклад (нават не імкнуся параўноўваць), чым у такіх нашых вядомых генеялогаў, як наш адміністратар форуму Ўладзіслаў Вяроўкін-Шэлюта, аўтар шматлікіх прац, які сапраўды накшталт майго "хроснага" у генеялогіі (у гэтым нават нейкі "перст лёсу", таму што адзін з яго продкаў быў сапраўдным хросным і дзядзькам майго); шаноўны Яўген Глінскі, кандыдат гістарычных навук і аўтар цудоўных падрабязных прац па зямянах і баярах, фальсіфікацыях сярод шляхты і г.д.,і з якім падтрымліваю добрыя адносіны і які дапамагаў мне сваімі парадамі; канешне, п. Вітальд Ханецкі, з яго неверагодным вопытам, у якога таксама шмат чаму навучыўся за архіўныя годы; п. Фёдар Чарняўскі, якога даследванні ў вобласці актавых судовых кніг часоў ВКЛ не маюць роўных, упэўнены, ну і якога маю гонар ведаць асабіста; С.П. А. Грыцкевіч, з якім, нажаль не паспеў асабіста пазнаёміцца (акрамя адзінай недоўгай размовы па тэлефоне), але працы якога ляжаць у мяне на заметцы заўсёды, і ў сэнсе даследвання тых жа зямян і баяр, яго даследванні ўжо тады былі наватарскія.
Так што мне ёсць на каго раўняцца, працу буду працягваць, у першаю чаргу па дробнай шляхце Менскага і Наваградзкага паветаў і канешне ўдзячны ўсім тым, каго ўспомніў у першую чаргу, і іншым таксама маім калегам і старэйшым таварышам
І самае галоўнае, чаму навучыўся за годы даследаванняў- гэта ўсё ж такі, здаецца, крытычна, аб'ектыўна мысліць, а калі нейкія гіпотэзы і застаўляць часам, то максімальна рабіць іх абгрунтаванымі
Language:
