Гудовіч / Hudovič / Hudowicz / Гудович

[Aleiksei]

Дзень добры. Хацеў бы (па-магчымасці) на некалькі прыступкаў спусціцца углыб часу і даведацца штосьці пра продкаў з прозвішчам Гудовіч.
Інфармацыя вельмі бедная, прашу прабачэння.
1. Гудовіч Аляксандр Ёсіфавіч (прапрадзед) – акрамя імя нічога не ведаю. Быў жанаты з Каралінай Ёсіфаўнай (дзявоцкае прозвішча не ведаю).
2. Гудовіч Гвідон Аляксандравіч (прадзед) – дакладны год нараджэння невядомы, прыкладна 1910-я гады. Паходзіць з вёскі Лучкі ці з вёскі Чырвоны (Красный) сад. Абедзве вёскі знаходзяцца па суседству, уваходзілі ў склад Шацкай воласці Ігуменскага павета Мінскай губерніі. У 1930-х гадах ажаніўся з Дашкевіч Апалінарыяй Францаўнай (1915 г.н.). Лёс прадзеда невядомы: ці то быў расстраляны НКУС, ці то загінуў падчас другой сусветнай вайны, ці то выжыў і эміграваў у Польшчу.
3. Гудовіч Людвіг Гвідонавіч (дзед) – нарадзіўся у 1937 годзе у вёсцы Малая Трасцяніца (сучасны Барысаўскі раён).
Уся галіна была каталіцкага веравызнання.
Па расказах былі (нібыта) шляхецкага паходжання. У “Ф. 1343. ОП.19: 1813-1894 гг., 5333 ед.хр. О сопричислении к дворянскому состоянию. Литера Г” згадваюцца, у прыватнасці, Гудовічі Менскай губерніі (ліст 602, запіс 5278/б), але ці маюць яны дачыненне да маіх продкаў не ведаю.

[Ўладзіслаў Вяроўкін-Шэлюта]

Aleiksei,

Дзе жылі шляхцічы Гудовічы зь Менскай губ. я ня ведаю.

Як вашыя продкі жылі каля Шацку і былі каталікамі, іхны прыходзкі касьцёл у Вузьдзе. Мэтрычныя кнігі захаваліся адносна добра, яны ў Нацыянальным гістарычным архіве.

[Aleiksei]

Вялікі дзякуй за наданне кірунку пошукаў. Паспрабую скарыстацца Вашай парадай.

[Ўладзіслаў Вяроўкін-Шэлюта]

Вялікі дзякуй за наданне кірунку пошукаў.

Толькі трэба памятаць, што яны там яўна не мясцовыя. З таго што зараз бачна, Гудовічы жылі ў кірунку ад Менску ў бок Ракава-Заслаўя і ў бок Лагойску.

Можа ў прымы прыйшоў ці нешта іншае. Пагэтаму, спачатку трэба глядзець мэтрыкі Вузды за ўласна 20 ст. (фонд 937, воп. 8, справы 11, 12 і  13).

[Aleiksei]

Дзякуй Вам за каштоўныя заўвагі.