Гальцэвіч-Плескачэўскі / Haĺcevič-Plieskačewski / Halcewicz-Pleskaczewski / Гальцевич-Плескачевский

[juryplesk]

Усіх вітаю! Тут буду паступова разьмяшчаць матэрыялы, нататкі і разважаньні, датычныя гісторыі рода Гальцэвіч-Плескачэўскіх, паходзячых зь Мсьціслаўскага ваяводства.

Усе назапашаныя матэрыялы структуравана захоўваю ў вольным доступе тут - https://drive.google.com/drive/folders/1mvy6YxjpoMb3qiH_UEr2usAvC5ee55P7?usp=drive_link

Поўны радавод у сучаным фармаце - https://familio.org/tree?person=d9d3582a-6aaa-4c2e-b83c-62b79857f92b

[juryplesk]

Мне пашчасьціла мець дзеда, які пачаў цікавіцца сваім паходжаньнем і родавымі сувязямі яшчэ ў пачатку 1970-х, сабраўшы нямала карыснай інфармацыі ад сваякоў. Нажаль тады ў спосабах далёкія ад гістарычных спраў людзі былі абмежаваныя, і пошукі ўглыб гісторыі засталіся на ўзроўні вядомай па захаваўшыхся на помніках інфармацыі.

Мой прадзед Міхаіл Рыгоравіч Плескачэўскі нарадзіўся ў вёсцы Ніўкі, Чачэрскай воласьці ў 1895-м годзе, рэпрэсаваны і сасланы ў Казахстан 1933-м, вярнуўся ў Беларусь ужо пасьля вайны. Ягоны бацька Рыгор Захаравіч, як спачатку было вядома мне адно па помніку на Засожскіх могілках Гомелю - нарадзіўся ў 1870-м і памёр у 1942-м. Дзед спрабаваў безсістэмна зьбіраць інфармацыю, але што да якога падчашага з 18ст Гальцэвіч-Плескачэўскага з далёкага павета, калі твае вядомыя продкі з-пад Чачэрску

З гэткай інфармацыяй я і пачаў пошукі "ўгару".

Замовіў праз знаёмага адмыслоўца дадзеныя перапісу 1926-га Нова-Малыніцкага і суседніх сельскіх саветаў,  і школьныя анкеты Нава-Малыніцкай школы, і школы ў Макрэні.
У генеалагічным плане датычна непасрэдна маіх сваякоў яны мне анічога не далі, хіба што цікавыя назіраньні ўскосныя аб ментальнасьці былой ваколічнай шляхты ў гэты перыяд. Нагадаю, што на момент перапісу Нава-Малыніцкі сельсавет быў "нацыянальным польскім". Агулам пра настроі ў гэтым рэгіёне ў 20-ыя можна пачытаць у кнізе "Костёл и Власть на Гомельщине 20-30-ые годы ХХ века". Маю на руках, магу жадаючым даслаць імянны паказальнік.

Дадзеныя перапісу тут - https://drive.google.com/drive/folders/1mwmyj_z6pEHxhPGktwVdwGzkXRn7lg1y?usp=drive_link

Школьныя анкеты - https://drive.google.com/drive/folders/1nj6comYGoF_7gh0nuuxtKWkHm-G115JJ?usp=drive_link

Спадзяюся, камусьці гэта дапаможа ў пошуку продкаў, як і карысныя рэсурсы накшталт "память народа" па 2-й сусьветнай, gwar mil па 1-ай сусьветнай, дадзеныя аб рэпрэсаваных, і кнігі "памяць". Усе пазначаныя ў дрэве на сайце Familio па спасылцы вышэй людзі з 20-га ст. былі ўнесены па выніках параўнальнага аналізу з гэтых крыніц.

Бо далей у гэтай тэме будуць разглядацца непасрэдна шляхецкія пытаньні

 

[juryplesk]

Далей па Малыніцкіх ваколіцах з крыніц асабліва выбіраць не прыходзілася (калі не лічыць выбарчыя сьпісы і сьпісы прысяжных у судах) - гэта адзіныя захаваўшыяся метрычныя кнігі Малыніцкай Петрапаўлаўскай царквы за 1847-1858 і 1887-87, і цудоўная РС (шчыра дзякую паважанаму Ўладзіславу Вяроўкіну-Шэлюце за зьмяшчэньне ўказальніка да справы тут на форуме) НГАБ ф. 2151 воп. 1 спр. 171, аркушы 17-18

Ревизская сказка Могилевской губернии Рогачевского уезда доказывающих дворянство Плескачевских. Составлена 19 Декабря 1864 г.
Захарий Павлов Плескачевский – 36 [лет, здесь и далее]
его сыновья: 1. Семен – 4
2. Михаил – 2
3. Григорий – ½
братья Захария: 1. Василий – 31
его сын Дмитрий – 1
2. Иван – 18
двоюродный дядя Захария Василий Иосифов – 60
Захария жена Агафья Васильева – 32
Василия жена Пелагея Федорова – 29
их дочь Катерина – 3
Захария сестра Терезия – 25
Захария мать Христина Филипова - 50

Стефан Иванов Плескаческий – 42
его сын Петр – 1
Стефана родной брат Франц – 38
его сын Михаил – 1 ½
Стефана жена Теофиля Осипова – 38
их дочь Марья – 12
Франца жена Агнеса Францева – 30
их дочь Варвара - 3

Петр Федоров Плескачевский – 50
Его сыновья: 1. Адам – 30
2. Иоанн – 25
3. Федор – 12
4. Стефан – 10
5. Василий – 8
Петра жена Анна Николаева – 48
Адама жена Агафья Казимирова – 22
их дочь Евдокия – ½
дочери Петра: 1. Марцелия – 23
2. Марья – 21
3. Уршуля – 19
4. Стефания – 15

Гавриил Иванов Плескачевский – 30
его сын Флориян – 1
Гавриила брат Семен – 28
Гавриила жена Клотильда Осипова – 25
их дочь Татьяна – 5
Гавриила мать Иоанна Михайлова – 68

Арыгінальныя сканы рэвізкай казцы тут - https://drive.google.com/drive/folders/1U83A04_UlOMWg8khgieTzhacIveo_7es?usp=drive_link

Усе выпісаныя зь метрычных кніг Малыніцкай царквы Плескачэўскія таксама ёсьць у асобнай тэчцы пазначанай у пачатку тэмы гугл-доке - https://drive.google.com/drive/folders/1JljMwYSns9cSzi2ielDHg6SBkv2ZcEje?usp=drive_link

З гэтых крыніц выходзіла, што гэтыя Плескачэўскія да апошняга змагаліся за пацьверджаньне дваранства, прайшоўшы праз усе разборы шляхты , і далей шлях пошукаў накіроўваў ў амаль зьнішчаны фонд Магілёўскага ДДС, і ў фонд Герольдыі ў РГИА, аб чым будзе далей.