Вельмі карысна ведаць тэрміны сваяцтва, бо іх добра ведаюць старэйшыя людзі і карыстаюцца імі. У генеалягічным апытаньні, калі фігуруе шмат асобаў пажадана дакладна ўяўляць пра каго ідзе размова.

Братавая — жонка брата.
Вуй/вуек — брат маці.
Дзевер — брат мужа.
Залоўка/залвіца — сястра мужа.
Зяць — муж дачкі ці муж сястры.
Нявестка — жонка сына ці жонка брата.
Пляменьнік — сын брата ці сястры.
Пляменьніца — дачка брата ці сястры.
Сестранец — сын сястры; у архаічных тэкстах можа быць сынонімам пляменьніка.
Сестраніца — дачка сястры; у архаічных тэкстах можа быць дачкою брата.
Снаха — жонка сына.
Стрый — брат бацькі, рэдка — брат маці.
Стрыечная сястра — дваюрадная сястра.
Стрыечны брат — дваюрадны брат.
Сынавец — сын брата.
Сьвёкар — бацька мужа.
Сьвякруха/сьвякроў — маці мужа.
Цешча — маці жонкі.
Цесьць — бацька жонкі.
Швагер/шурын — брат жонкі, ці муж жончынай сястры.
Швагерка — сястра жонкі ці жончынага брата жонка.
Ятроўка — жонка мужнінага брата.