ПАДЧАШЫ,
шляхецкі ўрад у ВКЛ. Першапачаткова аб’ядноўваў функцыі П. і чашніка. У 15 і 16 ст. часам тытулаваўся чашнікам. Павінен быў падаваць Вял. Князю напоі, папярэдне пакаштаваўшы іх сам. Урад лічыўся вельмі ганаровым, яго займалі толькі прадстаўнікі магнацкіх родаў. Першы вядомы П. ВКЛ — Алехна Мантыґердавіч (1410).
З канца 16 ст. урад П. існаваў і ў паветах.
© Ўладзіслаў Вяроўкін-Шэлюта, 1999.
Друкаваная версія: Энцыклапедыя гісторыі Беларусі. Т. 5. Мн., 1999. С. 375.
|
