Пётар Лышчынскі († к. 1677), падчашы Мельніцкі (1673), лоўчы Берасьцейскі (1677), валодаў маёнт. Лышчыцы (Берасьцейскае ваяв.). Меў сыноў Адама, пра нашчадкаў якога невядома, Антонія і Мікалая, якія ў 1701–1726 падзялілі спадчынныя ўладаньні.

Антоні, лоўчы Берасьцейскі, у шлюбе з Ганнаю Місевіч меў сыноў Віктара, Пятра і безпатомнага Валяр’яна. Сыны Віктара ў далейшым жылі ў Віцебскай губерні.

Мікалай у шлюбе з Гагалеўскаю меў сыноў Андрэя, пра якога нічога не вядома, і Лаўрэнція, адміністартара (1754) Дубровенскага маёнтка Сапегі, каадутара Віленскага. Лаўрэнцій у шлюбе з Вайцяхоўскаю меў сыноў Адама, які валодаў маёнт. Лышчыцы, і Антонія. Антоні, падстолі Мсьціслаўскі (прывілей 1790.04.19), шямбялян (прывілей 1791.07.16) купіў маёнт. Чурылаў (Бабінавіцкі пав.), выбіраўся лаўнікам у Магілёўскі ДДС ад шляхты Бабінавіцкага пав., меў нашчадкаў.

Вывад: 1773.11.08 (Аршанскі прав. з. с.), 1803.06.03 (Магілёўскі ДДС), са звычайным «Корчакам».