Гэнерал-лейтэнант Канстанцін Іванавіч Развадоўскі, Варшаўскі камэндант, у шлюбе з Ганнаю Аляксеяўнай Татарынавай, памешчыцай Уладзімерскай і Ніжэгародзкай губ., меў дачку Варвару (* 1843.12.31), якая выйшла замуж за Ўладзімера Пашчанку. Паводле Найвышэйшага ўказа 1871.07.15/27 ротмістру Ўладзімеру Пашчанку дазволена далучыць да свайго прозьвішча і гэрба прозьвішча і гэрб цесьця. Узьведзены 1872.06.29, разам з цесьцем і ягонымі братамі, у графскую годнасьць.

У 1882 граф Уладзімер Пашчанка-Развадоўскі палкоўнік, камандзір 8-га гусарскага Лубенскага палка. У графаў Пашчанкаў-Развадоўскіх былі дзеці граф Канстанцін, які валодаў 1904 маёнт. Белічы (Слуцкі пав.) і графіня Аляксандра, якая выйшла замуж за гэнерал-лейтэнанта начальніка 11 кавалерыйскай дывізіі (1910) Льва Ўладзіміравіча дэ Вітэ.

У радаводную кнігу Менскай губ. была ўнесена толькі графіня Варвара П.-Р.